Территория правды

Атырау қаласында бөгде біреудің атынан несие рәсімдеген павлодарлық ер адам ұсталды деп хабарлайды Polisia.kz.

Басылымның жазуынша, 24 шілде күні Атырау қаласының 40 жастағы тұрғыны полицияға арызданған. Оның сөзінше, ұялы телефондағы банк қосымшасы арқылы белгісіз біреу 1 000 000 теңге несие рәсімдепті.

Полиция интернет арқылы несие рәсімдеген адамның Павлодар облысының 31 жастағы тұрғыны екені анықтаған. Қазіргі уақытта Қылмыстық кодекстің 190-бабы 1-бөлігі бойынша ("Алаяқтық, яғни бөтеннің мүлкін жымқыру немесе алдау немесе сенімді теріс пайдалану жолымен бөтен мүлiкке құқықты иемдену") сотқа дейінгі тергеу амалдары жүргізіліп жатыр.

Осы орайда Атырау облыстық полиция департаментінің басшысы Қамза Үмбетқалиев мұндай қылмысқа барғандарға қандай жаза қолданылатынын еске салды. 

Оның сөзінше, күдіктінің кінәсі дәлелденсе, мүлкі тәркіленіп, ол белгілі бір лауазымдарды атқару немесе белгілі бір қызметпен айналысу құқығынан үш жыл мерзімге дейін айырлады.

Немесе оған төрт мың айлық есептік көрсеткішке дейінгі мөлшерде айыппұл салынады, не сол мөлшерде түзеу жұмыстарына, не бір мың сағатқа дейінгі мерзімге қоғамдық жұмыстарға тартылады, не төрт жылға дейінгі мерзімге бас бостандығынан шектеледі, немесе сол мерзімге бас бостандығынан айырылады.