Территория правды

Бүгін Токиодағы Олимпиада ойындарын ұйымдастырушылардың жиналысы өтеді, онда олар көрермендерге қатысты шешімін жариялайды деп хабарлайды Kyodo. 

Ұйымдастыру комитеті осы жазда жарыстарды тамашалауға 10 000 көрерменге дейін рұқсат береді деп күтілуде, оның үстіне бұл көрсеткіш сыйымдылықтың 50 пайызынан аспауы керек. Алайда, Олимпиада ойындарының басталуына дейін немесе одан кейін эпидемиологиялық жағдай нашарласа, ойындарды көрерменсіз өткізу мүмкіндігі де жоқ емес. Көрермендер саны туралы шешім көктемде қабылдануы керек еді, бірақ Жапонияда коронавирустың өршуі пайда болды.

Ұйымдастыру комитеті әзірлеген нұсқаулыққа сәйкес, адамдардың қозғалысын шектеу және сол арқылы вирустың таралу қаупін азайту үшін көрермендерге іс-шара өтетін жерге барып, ешқайда қыдырып кетпей, кері қайту ұсынылады. Комитет жалпы орындардың 42 пайызына билеттер сатып үлгерді.

Еске салсақ, Халықаралық ауыр атлетика федерациясы Токиодағы Жазғы Олимпиада ойындарына жолдама алған спортшылар тізімін назарға ұсынған еді. Қазақстан құрамасынан әйелдер арасында 55 келіге дейінгі салмақ дәрежесінде Зульфия Чиншанло ел намысын осы жаздың басты бәсекесінде қорғайтын болады. Ал ерлер арасында 61 келіге дейінгі салмақта Игорь Сон қатысатын болып отыр. Оғанқоса, Шымкент қаласының каратэшілері тағы екі Олимпиада лицензиясын иеленді.