Тоқаев Дүниежүзілік қоршаған ортаны қорғау күніне орай мәлімдеме жасады
Главные вкладки
Мемлекет басшысы Қасым-Жомарт Тоқаев Қазақстан табиғатты қорғауға баса мән беретінін айтты.
"Бүгін – Дүниежүзілік қоршаған ортаны қорғау күні. Біріккен Ұлттар Ұйымы алдағы он жылды экология жүйесін қалпына келтіруге арнамақ. Қазақстан табиғатты қорғауға баса мән береді. Біз "жасыл бастамаларды" жүзеге асырып, нақты нәтижелерге қол жеткіземіз деп сенемін", - деп жазды президент Twitter парақшасында.
Еске сала кетсек, бұған дейін 4 маусым күні Қасым-Жомарт Тоқаев қазақстандықтарды Мемлекеттік рәміздер күнімен құттықтаған еді.
Баршаңызды Мемлекеттік рәміздер күнімен құттықтаймын! Бұл – еліміз үшін айрықша маңызды мейрам. Көк байрақ, Елтаңба мен Әнұран әрбір қазақстандықтың жүрегіне мақтаныш ұялатып, отаншылдық рухын асқақтатады. Тәуелсіздіктің қасиетті нышандары ұлтты ұлы істерге ұйыстыра берсін!", - деп жазды президент Twitter желісіндегі парақшасында.
