Ақиқат алаңы

Естеріңізде болса жылжымайтын мүлікке мемлекеттік тіркеуді бұрын тек нотариустар арқылы ғана жасап жататынбыз. Қазір бұл қызметті ХҚО арқылы да рәсімдеуге болады. Сондықтан біз бүгінгі #oqy&toqy айдарымызда жылжымайтын мүлікке құқықтарды мемлекеттік тіркеу қызметін алудың жолын үйрететін боламыз. 

Ең алдымен ХҚО-ға кезекті брондаңыз;

Брон уақытына сәйкес ХҚО тіркеу бөліміне барып талон алыңыз;

Күту залындағы электронды таблодан кезегіңізді бақылаңыз;

Реттеу залына өтіп қажетті операторға құжаттарыңызды ұсыныңыз.

ХҚО-ға келесі құжаттарды ала баруыңыз керек:

Жылжымайтын мүліктің меншік құжаттары;

Жылжымайтын мүліктің техникалық паспорты;

Жер телімі болса, оның сәйкестендіру нөмірі;

Жылжымайтын мүлікке құқылы азаматтардың нотариалды заңдастырылған келісімі;

Некеде болсаңыз, жұбайңыздың нотариалды тіркелген келісімі, некеде болмасаңыз - некеге тұрмағандығы жайлы нотариалдық құжат;

Егер сатушы кәмелет жасына толмаған іске қабілетсіз азамат болса, онда қамқоршы органның жазбаша келісімі;

Келісім-шартты жасау үшін төленген қаражаттың төлем түбіртегі.

Мемлекеттік БАЖ салығы 1202,50 теңгені құрайды.

Қызмет 1 жұмыс күні ішінде көрсетіледі.

Баспана құтты болсын! Іске сәт!