Веналықтар міндетті вакцинацияға қарсы шығуда
Primary tabs
Австрия астанасы Венада міндетті екпеге қарсы жаппай наразылықтар өтіп жатыр деп хабарлайды kaskelen.kz желілік басылымы.
Мыңдаған адам Вена көшелеріне шығып, міндетті вакцинацияға қарсы шықты. Ақпанның 5-інде қабылданған жаңа заңға қарсылар түрлі ұрандар айтып жатыр. Жиналғандардың кейбірі қолдарына «Міндетті вакцинацияға қарсымыз!», Менің денем – менің шешімім!» деген баннерлер алып шықты. Наразылық білдірушілер Вена көшелерінің көп бөлігін жауып тастаған.
Міндетті вакцинация туралы заң Австрияда 5 ақпанда қабылданды. Билік 15 ақпаннан бастап егілмеген, медициналық көрсеткіші жоқ ел тұрғындарын екпе алуға шақырды. Бір ай ішінде екпе алмағандарға 3600 еуро айыппұл салынатынын ескертілді.
