Долан ауылында дәрігерлік амбулатория ашылды
Primary tabs
Райымбек ауылдық округі Долан ауылында «Жұмыспен қамтудың жол картасы - 2020» бағдарламасы бойынша салынған ауылдық дәрігерлік амбулаториясының ашылуы өтті. Бұл салтанатты шараға Қарасай ауданының әкімі Жандарбек Далабаев қатысты,-деп хабарлайды kaskelen.kz тілшісі.
Дәрігерлік амбулаторияның жобалық құны - 460 млн. Бас мердігер «GOLDENCITI DS» ЖШС болды. Онда 18 қызметкер, оның ішінде екі жалпы тәжірибе дәрігері және жеті медбике бар.
Дәрігерлік амбулаторияның өзі бір ауысымда 25 келуге есептелген. Ғимараттың жалпы ауданы 550 шаршы метр.Мұнда, жалпы тәжірибелік дәрігер кабинеті, күндізгі стационар, стоматологиялық, гинекологиялық, процедуралық және физиотерапиялық бөлмелер, зертхана, изолятор, сүзгі және басқалары бар.
Айта кету керек, бұған дейін Күлзихан Жүнісова 30 жылдан астам уақыт басқарған кішігірім фельдшерлік-акушерлік орталық (ФАП) болған. Тұрғындарға көбінесе бейінді маман дәрігерлердің көмегі үшін Алмалыбақ ауылындағы дәрігерлік амбулаторияға баруға тура келді. Енді мұнда дәрігерлік амбулатория ашылғаннан кейін бес мыңға жуық ауыл тұрғындарына сапалы медициналық көмек қол жетімді болды.
