Қытайдың Фуцзянь провинциясы жаңа инфрақұрылымды дамытуда
Primary tabs
Қытайдың шығысындағы Фуцзянь провинциясы инновациялық және сандық экономиканы дамытудың ұлттық деңгейдегі пилоттық аймағына айналу үшін жаңа инфрақұрылымның құрылысын жеделдету бойынша жұмысты күшейтті.
Осы уақытқа дейін Фуцзянь 20000-нан астам 5G базалық станцияларын құрды және округтен жоғары жерлерде 5G желісін толық қамтуға қол жеткізді, деп хабарлады провинцияның өнеркәсіп және ақпараттық технологиялар департаменті.
Тамыз айында Фуцзянь жаңа инфрақұрылымды дамыту бойынша үш жылдық іс-қимыл жоспарын жариялады. Осы жылдың басынан бастап Фудзянь провинциясында бірқатар жаңа инфрақұрылымдық жобалар сериясы дәйекті түрде іске қосылды.
Ағымдағы жылдың төртінші тоқсанында провинцияда жалпы инвестициялары 188,1 миллиард юань болатын 234 жаңа инфрақұрылымдық жобаның құрылысы басталды.
Жаңа инфрақұрылым 5G базалық станциялары, автомобильдерді қуаттандыру станциялары, ірі деректер орталықтары, жасанды интеллект және өндірістік Интернет сияқты сандық нысандарға қатысты.
