Кәріз суы сыртқа ағып жатыр

Primary tabs

Мау 09, 2020 / 0 комментарии

Редакциямызға Қаскелең қаласы, Іргелі көшесінің тұрғындары хабарласты. Олар үйлеріне көршілес орналасқан фитнес-клуб аумағынан кәріз суларының сыртқа, яғни көшеге ағып жатқанын айтып шағымданды. Бұл біріншіден, жағымсыз иіс, екіншіден, көшеде бала-шағамыз ойнайды, олар үшін де бұл лас су қауіпті деп алаңдап отыр.

Біз осыған қатысты қаладағы су және кәріз жүйелеріне жауапты "Ж-Каскелең" ЖШС әкімшіліге хабарластық. Олар аталған мекенжайға арнайы мамандарды жіберіп тексеру жұмыстарын жүргізді. "Анықталғандай, бұл жеке аумақта орналасқан кәріз жүйесінен кеткен олқылық. Оған біз жауап бермейміз. Фитнес-клуб өздігінен жөндеу жұмыстарын жүргізуі тиіс", деп жауап берді аталған мекеме басшысы Ж.Бектасов.

Осыдан кейін біз фитнес-клуб басшысына хабарластық. Ол бұл проблеманың бар екенін және жуық арада кәріз жүйесін қалыпқа келтіремін деп уәде берді.