Елімізде жаңадан үш партия құрылмақ
Primary tabs
Елімізде жаңадан үш партия құрылады. Оның бірі қазір Әділет министрлігінде тіркеліп жатса, тағы екеуі әлі партия съезін өткізу керек. Жалпы былтыр 9 бірдей саяси ұйым партия ретінде тіркелуге өтініш беріпті. Бірақ соның алтауының өтініші заң талабына сай емес деп кері қайтарылған дейді Kaskelenkz тілшісі.
Әділет министрі Марат Бекетаевтың айтуынша, партияны тіркеу екі сатымен жүргізіледі. Алдымен ниеті болған саяси ұйым өтініш беруі керек. Егер барлығы заңға сай келсе, одан соң съезд өткізіп қол жинайды. Қазіргі заң бойынша сапында 20 мың адам адам болуы шарт.
Бірақ олардың арасында әскерилер, құқық қорғау органдарының қызметкерлері мен өзге ел азаматтары болмауы тиіс. Осындай талаптарға сай келмей қалғандардың бірі – El tiregi.
Саяси ұйым жетекшісі Нұржан Әлтаев "әдейі тіркемей отыр" деп Әділет министрлігін сынаған еді.
Ал министрліктің мәлімдеуінше, олардың құрамында қайтыс болған адамдардың аты-жөні жүр. Содан арылсын деген ұстанымда.
