Алматы қаласында таңғы сағат алтыдан бері 25-тен астам жол апаты болды
Главные вкладки
Алматы қаласында көк тайғақ салдарынан таңғы сағат алтыдан бері 25-тен астам жол апаты орын алған. Апатқа байланысты Алматы қалалық полициясы көлік жүргізушілерін жолда мұқият және сақ болуға шақырады, деп хабарлайды kaskelen.kz желілік басылымы.
Қалалық полиция қызметі басқармасының бастығы Манап Саттаровтың айтуынша, таңғы сағат алтыдан бері қалада 25-тен астам жол-көлік оқиғасы болған. Апат салдарынан 10 адам жарақаттанған.
Саттаровтың айтуынша жауын-шашын мен көктайғақ қаладағы көлік қозғалысын едәуір қиындатқан және жаппай кептелістің орын алуына алып келген. Көктайғақ және жол апаты салдарынан автокөліктердің қозғалуы да қиындауда.
Көлік апатына жол қозғалысына қатысушылардың тәртіпке бағынбауы себеп болады: кейбір жүргізушілер апаттық жағдайлар туындатады, қауіпті маневрлер жасайды, бір-бірін сыйламайды, сондай-ақ, жаяу жүргіншілер де рұқсат етілмеген жерлерде жолды кесіп өтеді. Тұтастай алғанда осы факторлардың барлығы жалпы жол қозғалысына кері әсер етеді", - дейді Саттаров.
Тағы еске сала кететін жайт Алматы қаласында бір күнде екі ірі жол апаты орын алды.
