Территория правды

Ағымдағы жылдың 23 маусымында Қаскелең қаласының Мәдениет үйінде Қарасай ауданының әкімі Жандарбек Ермекұлы Далабаев тәртіп сақшыларын кәсіби мерекемен құттықтап, бірқатар ерекше көзге түскен полиция қызметкерлеріне алғыс хаттар табыс етті.

Өз кезегінде Қарасай аудандық ПБ бастығы полиция подполковнигі Болат Бақытұлы Тотыбаев құттықтау сөздерінен кейін жедел-қызметтік қызметте жоғары нәтижелерге қол жеткізген қызметкерлерге алғыс хаттар және мақтау грамоталарын табыс етті.

Марапаттау рәсімі аяқталғаннан кейін ауданның бас полицейі ата-аналарға полицияда қызмет атқарып жүрген, сеніп тапсырылған жұмыста жоғары нәтижелер көрсеткені мен ержүрек балаларды тәрбиелегені үшін алғыс айтты.

Өз сөзінде ол: "олардың ұқыптылығы, еңбекқорлығы мен жұмысқа қабілеттілігі Отанға қалтқысыз қызмет етудің үлгісі болып табылады", - деп атап өтті. Мақтаудан кейін полиция бастығы ППР командирі полиция майоры Бақыт Болатбекұлы Жарқынбековтың әкесі - Болатбек Жарқынбековқа, жедел уәкіл полиция лейтенанты Айдос Нұрымханұлының анасы - Гүлжан Қамзаеваға, учаскелік полиция инспекторы полиция аға лейтенанты Айдос Төлеубекұлы Ағыбаевтың анасы - Аида Сұлтанғазинаға, сондай - ақ учаскелік полиция инспекторы полиция лейтенанты Дамир Бахытұлы Кемелбековтың анасына-Жарқынай Күмісбекқызына алғыс хаттарын табыстады.

Сондай-ақ Болат Бақытұлы ұрпақтар сабақтастығының маңыздылығын атап өтіп, зейнеткерлікке шыққан зейнеткерлердің орнына қызметке тұрған жас қызметкерлермен белсенді патриоттық жұмысы үшін бірқатар ардагерлерге бағалы сыйлықтар мен алғыс хаттар табысталды. Қорытындылай келе, Болат Бақытұлы барлық қатысушыларға денсаулық, отбасылық амандық, мансаптық өсу және қылмысқа қарсы күресте одан әрі табыс тіледі