Келесі жылдан бастап кімдердің жалақысы 330 мың теңгеге дейін өспек
Primary tabs
ОКҚ-ның онлайн-брифингі барысында ІІД әкімшілік полиция комитетінің басшысы Мұрат Баймұқашев келесі жылдан бастап Қазақстандағы учаскелік полиция қызметкерлерінің жалақысын өсіру жоспарланып отырғаны туралы мәлімдеді. Жалақыны 30% -ға көтеру жоспарлануда деп хабарлайды kaskelen.kz тілшісі.
⠀
«2019 жылы учаскелік полиция қызметкерлерінің жалақысы 25%-ға көтерілді. 2020 жылдан бастап олардың көмекшілерінің жалақысы 30%-ға көтерілді. Бүгінде учаскелік полиция қызметкерлерінің жалақысы 177-ден 260 мың теңгеге дейін жетеді. Келесі жылдан бастап учаскелік полиция қызметкерлерінің жалақысы тағы 30 пайызға, ал олардың көмекшілерінің жалақысы 7 пайызға көтеріледі», — деді комитет басшысы.
⠀
Жалақы 30%-ға өскен жағдайда учаскелік офицерлер айына 230 мыңнан 338 мың теңгеге дейін алатын болады. Баймұқашев сонымен қатар учаскелік полиция қызметкерлері мен олардың көмекшілеріне тұрғын үйді жалға алғаны үшін өтемақы төленетінін қосты.
⠀
«2021 жылдың 1 сәуірінен бастап олар осы тұрғын үй төлемдерін тұрғын үйді сатып алу үшін — бөліп төлеу немесе ипотекалық несие алу арқылы пайдалана алады», — деді спикер.
