Ақиқат алаңы

Ауданымыздағы Бірінші Май ауылдық округінде ауызсу мәселесі ондаған жылдан бері өзектілігін жоймай келеді. 7 мыңнан астам халқы бар, үш елді мекеннен тұратын округ тұрғындары тіршілік нәрінің тапшылығына байланысты редакциямызға жиі хабарласады. Соңғы кездері әлеуметтік желіде тараған мына бейнежазбаларда ауылға келетін ауызсу санитарлық жағдайы мәз емес екені айтылған.

Биыл ауданымыздың 90 жылдығына орай ауқымды жұмыстар қолға алынып жатыр. Оның ішінде, аудан әкімі Жандарбек Ермекұлының бастамасымен орталық алаңдағы Қарасай батыр бабамызға арналған ескерткішті жаңғырту да бар. Бұл мақсаттағы жұмыстар басталып та кетті. Таяуда аудандық әкімдік жанындағы батырдың тасқа қашалған мүсіні алынды. Алдымен баба рухына құран бағышталып, құрбандыққа қой шалынды. Көне ескерткіш Шамалған ауылындағы Қарасай батыр атындағы мектептің ауласына орнатылды.

Қаскелең қаласындағы Достық көшесі. Бір ғана көшенің өзінде бірнеше жылдан бері шешімін таппай келе жатқан бірнеше проблема бар.

«Бақытты отбасы» бағдарламасы табысы төмен азаматтардың үйлі болуына мүмкіндік береді. Алғашқы жарна тұрғын үй құнының     10%-ы, мөлшерлеме - 2%.  Несие 20 жылға дейінгі мерзімге беріледі. Сондай-ақ  бастапқы жарнаға көмек ретінде мемлекет тарапынан  1 миллион теңгеге дейін субсидия қарастырылған. Ауданымыз бойынша 17 шілдеден құжат қабылдау басталды.